Security guard, nasapwan nga patay sa sulod sang iya gina-arkilahan nga kwarto sa Molo
ILOILO CITY – Yara na sa early state of decomposition ang security guard nga nasapwan nga patay sa sulod sang gina-arkilahan niya nga kwarto sa Brgy. Taal, Molo subong nga gab-i.
Ginabanta sa 27 tubtob 33 anyos ang edad sang security guard nga ginpahayag taga-Aklan.
Suno sa mga residente, katapusan nga nakit-an ang guwardiya sang Sabado sang gab-i nga nagpanglaba.
Nasapwan ang guwardiya sang gin-check ang iya kwarto sang may napanimahuan ang mga residente sa lugar.
Sa inisyal nga pagpangusisa sang police, wala sang foul play sa kamatayon sang guwardiya bangud wala man sang sinyales nga ginpwersa buksan ang iya kwarto ukon patimaan nga may kumusyon nga natabo.
Nagahigda pa sa katre ang guwardiya sang nasapwan.
Ginpakamaayo sang mga otoridad nga indi anay pagpangalanan ang guwardiya para indi magulpihan ang iya pamilya. — via Aksyon Dave Bucayan