Mga rationalized routes, gamiton gihapon sa tiun sang temporaryo nga suspension sang LPTRP — LTFRB 6
ILOILO CITY — Nahisugtan sa pagsinapol sang Land Transportation Franchising and Regulatory Board (LTFRB) 6, PSTMO, kag transport operators nga gamiton sa gihapon ang rationalized routes sang jeep sa tiun nga i-suspender ang Local Public Transport Route Plan (LPTRP) sang syudad.
Suno kay LTFRB 6 Legal Officer Atty. Salvador “Jun” Altura, Jr., mahimo lang sang adjustments ang PSTMO paagi sa traffic rerouting para magtabu-ay ang rationalized routes kag daan nga ruta sang jeep.
Ini agud indi na magastuhan ang mga operators, suno kay Atty. Altura, sa temporaryo nga pag-suspend sang LPTRP.
Bangud sini, indi na mag-issue ang LTFRB sang bag-o nga fare matrix kundi generic fare matrix na lang.
Ginklaro man ni Altura nga indi na sila kinahanglan mag-issue sang bag-o nga special permit.
Hulyo 8 temporaryo nga i-suspender ang LPTRP sang syudad.