Passi City Vice Mayor Jesry Palmares, nag-resign kasunod sang iya appointment bilang Undersecretary sang DAR

ILOILO — Nag-resign bilang bise alkalde sang Passi City si Jesry Palmares kasunod sang iya appointment bilang Under Secretary sang Department of Agrarian Reform (DAR).

Suno kay Usec Palmares, yara na sa opisina ni Mayor Stephen Palmares ang iya appointment bilang Undersecretary sang DAR.

Dugang pa niya, indi na bag-o sa iya ang departamento nga gin-assign sa iya ni Presidente Ferdinand Marcos Jr. kag buligan niya ang Western Visayas ilabe na gid ang mga mangunguma.

Pagatal-usan ni 1st Councilor kag former mayor Eleazar Chavez Jr. ang posisyon ni Palmares bilang Vice Mayor sang Passi City. — via Aksyon Cedrick Anona