Mga baka nga nagalayaw sa Sooc, Arevalo, pangdakpon kag ipagawad sa tag-iya — PB Ricardo Tugado

ILOILO CITY — Ipadakop ni Punong Barangay Ricardo Tugado sang Sooc, Arevalo ang mga baka nga nagalayaw sa barangay.

Suno kay Tugado, naghimo na ang barangay sang turil agud butangan sang mga baka nga madakop nila kag ipagawad sa tag-iya sa balor nga P1,000.

Nagapati si Tugado nga sa kaiping nga barangay nagahalin ang mga baka nga nakuhaan sang litrato nga nakalabay sa atubang sang ila barangay hall.

Ginklaro ni Tugado nga wala na sang mga baka nga ginbuy-an sa C1 Road pagkatapos nga may isa ka napatay sang nagbungguan ang baka sang nagligad nga bulan. lvia Aksyon Dave Bucayan