Mga baka nga nagabuhi sa turil sa Sooc, Arevalo, nadakpan na

ILOILO CITY – Nakita kag nadakpan liwat ang 12 ka mga baka nga una na nagpalagyo sa turil nga ginhimo sang mga barangay officials sang Brgy. Sooc, Arevalo.

Suno kay Tanod Commander Jonathan Arroyo, Lunes sang gab-i nakaguwa sa turil ang mga baka. Mga la-1:30 kahapon sang kaagahon, Hulyo 15, nadakpan liwat ang mga baka.

Sa 12 ka baka, isa lang ang may higut suno kay Arroyo.

Suno naman kay Punong Barangay Ricardo Tugado, taga-Navais, Mandurriao ang naga-claim nga tag-iya sang pila ka mga baka.

Ginapagawad ang mga baka agud mapauli sang tag-iya. P1,000 ang multa sa first offense kag P2,000 sa second offense.

Ginpabutyag ni Punong Barangay Tugado nga daku nga perwisyo sa ila ang nagalagaw nga mga baka. Magluwas nga nagapangguba sang mga tanum, madamo naman sang mga motorista nga naaksidente bangud nakabunggo sa baka nga nagalabay-labay ukon nagaluko sa karsada. –via Aksyon Hotline