Panay Railways Inc., bukas sa mga unsolicited proposals para sa pag-revive sang railway project

Ginpasalamatan ni Capt. Cesar Capellan, chief operating officer sang Panay Railways Incorporated (PRI) si President Ferdinand Marcos Jr. bangud ginhatagan niya sang pagtamod ang railway project sa Panay.

Suno kay Capt. Capellan, padayon ang ila nga pag-maintain sang railway paagi sa ginabaydan sang mga naga-arkila nga ginabanta sa P450 kada tuig.

Naga-apelar naman si Capellan sa mga naga-arkila nga i-update ang ila mga dokumento sa opisina sang PRI agud mangin kabahin sila sang eligible nga ma-relocate kun ipatuman na ang proyekto.

Madamo sang mga investors sadtu ang interesado sa proyekto apang wala nagpadayon bangud sang politika sa pungsod suno kay Capellan.

Ginpahayag naman niya nga bukas ang PRI sa mga investors sa pag-revive sang railway.

Ang 177 kilometers nga Panay railway Iloilo- Roxas ang nag-operate sang 1906 tubtob 1985.