August 15, 2022

Hagna nga naga-expand sa franchise area sang MORE Power sa guwa sang Iloilo City, nangin laye na

Read Time:2 Minute, 13 Second

Ginkumpirmar ni Atty. Allana Mae Babayen-on, Legal Counsel sang More Power Iloilo nga may yara na sila sang impormasyon nga nabaton halin sa Malacañang nga nangin laye na ang hagna nga naga-expand sang ila prangkisa sa guwa sang Iloilo City.

Una nga ginduso nanday 2nd District of Iloilo Congressman Michael Gorriceta kag former 4th District Congressman Braeden John Biron ang pag-expand sang MORE Power sang ila prangkisa sa pila ka banwa sa probinsiya bangud sa reklamo sang mga konsumedor sa serbisyo sang ILECO.

Maga-expand sang serbisyo ang MORE sa Alimodian, Leganes, Leon, New Lucena, Pavia, San Miguel, Santa Barbara, Zarraga, Anilao, Banate, Barotac Nuevo, Dingle, Duenas, Dumangas, San Enrique kag Passi City.

WALA PA SANG OFFICIAL COMMUNICATION

Ginahulat sa gihapon sang MORE Electric and Power Corporation ang formal communication halin sa Congress sa hagna nga naga-expand sang ila prangkisa sa guwa sang Iloilo City.

Suno kay MORE Power President Roel Castro, nakabaton sila sang initial information halin sa Manila Bulletin nga nangin laye na ang hagna. Hunyo 29 sang gin-endorso sang Kongreso sa Office of the President ang hagna kag may 30 ka adlaw si Presidente Ferdinand Marcos, Jr., kun i-veto ang hagna.

“Up to this point, wala pa kita [sang] official word coming from Malacañang or from Congress of the bill. There was no news that it was vetoed; wala sang news that it was signed. We got information sa Manila Bulletin based on their online news nga may ara na daw Republic Act number,” suno kay Castro.

Una nga ginduso nanday 2nd District of Iloilo Congressman Michael Gorriceta kag former 4th District Congressman Braeden John Biron ang pag-expand sang MORE Power sang ila prangkisa sa mga banwa nga nasakupan nila bangud sa reklamo sang mga konsumedor sa serbisyo sang ILECO.

ANO ANG MASUNOD KUN NANGIN LAYE NA?

Sa tiun nga mabaton na sang MORE Power ang official copy sang laye halin sa Kongreso, mahulat pa sang 15 ka adlaw kasunod sang publication sini sa duha ka dalagku nga news papers.

Mangin epektibo ini pagkatapos sang 15 ka adlaw.

Kinahanglan man sang MORE Power nga mag-apply sa pag-revise sang Certificate of Public Convenience and Necessity (CPCN) sa Energy Regulatory Commisson (ERC) nga naga-expand sang ila prangkisa sa guwa sang siyudad.

“We will apply for Provisional Authority for the expanded franchise area [and] once we get the approval of ERC then officially puwede na gid nga maka-start,” dugang ni Castro.

Gin-extend naman suno sa iya ang mga primary lines sang MORE sa hulot sang Iloilo City kag Pavia kag suguran na ang pagtrabaho kun ma-revise na ang CPCN.

Happy
Happy
0 %
Sad
Sad
100 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Previous post 2 days LTOPF Caravan, hiwaton sang ICPO para sa mga gun owners nga wala pa makaparehistro sang ila pusil
Next post First 2 cases sang Omicron subvariant BA.2.75, na-detect sa Western Visayas