Train Station sang Panay Railway System, sayluhon sa Santa Barbara kun indi pagpasugtan nga makasulod sa siyudad sang Iloilo
ILOILO — Sayluhon sang Panay Railway System incorporated sa Santa Barbara ang estasyon sang tren kun indi pagpasugtan nga makasulod sa siyudad sang Iloilo.
Ini ang ginpahibalo ni PRI Chief Operating Officer, Captain Cesar Capellan kasunod sang pahayag ni Mayor Jerry Treñas nga wala nagakinahanglan ang siyudad sang railway.
Ginpahayag ni Capellan nga naghimo na siya sang survey sa duha ka hektariya nga duta nga ginapanag-iyahan sang PRI sa Santa Barbara mga pwede mapatindugan sang train station ukon terminal.
Pwede man suno sa iya nga iduso sang PRI nga ibutang sa La Paz ang railway bangud may naga-egsister nga kontrata nga mahimo nga i-relocate ang mga ma-displace nga residente.
Plano naman n Capellan nga magkonsulta kay Mayor Treñas sa tiun nga mag-abot sa siyudad ang mga kompaniya halin sa iban nga pungsod nga interesado sa pagbalik sang Panay Railway System.
Una diri, nagasuhestyon si Treñas nga mas maayo kun obrahon ang railway sa guwa sang syudad agud malikawan nga ma-displace ang masobra 1,500 ka mga residente.
