Gasoline station sa San Joaquin, gin-ransack
ILOILO — Napalagyo sang duha ka suspek sa pagpang-ransak ang masobra P200,000 nga cash halin sa gasoline station sa Brgy. Sinogbuhan, San Joaquin 1:35 kahapon sang kaagahon, Agosto 3.
Suno kay PLT Dionisio Estacio, hepe sang San Joaquin MPS, ginapanag-iyahan ni Joaquin Sasana ang Seaside Fuel Gas Station.
Gindala sang mga suspek ang cash register machine nga may unod nga P212,500.
Nakuhaan pa sang CCTV footage ang pag-ransack sang mga suspek sa lock sang cashier booth.
Ginpahayag ni Estacio nga nagakatulog ang bata sang tag-iya sang gasolinahan sa kwarto malapit sa cashier booth apang wala niya nabatyagan ang pagpang-ransack sang mga suspek.
Na-recover sang San Joaquin police ang cash register machine malapit sa gasolihan pero wala na sang kwarta nga unod.
Nagsakay sa motosiklo ang mga suspeck sang nagpalagyo pakadto sa direksyon sang town proper sang San Joaquin.