August 15, 2022

Masobra P1.6 million nga balor sang suspected shabu na-recover sa drug buy bust operation sa La Paz, Iloilo City

Read Time:44 Second

ILOILO CITY – Apat ang arestado kag masobra P1.6 million nga balor sang suspected shabu ang na-recover sa drug buy bust operation sa Brgy. Caingin, La Paz kagab-i, Agosto 4, 2022.

Nadakpan kanday Moncarl Alarde nga subject sang operasyon kag residente sang Caingin, La Paz; Alberto Lopez sang Brgy. Hipordormo, City Proper; Jhon Vincent Solinap sang Brgy. Guinobatan, Leganes Iloilo; kag John Feeby Inayan sang Poblacion, Leganes.

Na-recover sa operasyon ang walo ka sachets sang suspected shabu nga nagabug-at sang 240 grams kag may estimated Standard Drug Price nga P1,632,000; tatlo ka pusil; awto; mga drug paraphernalia; kag P30,000 buy bust money.

Ginakabig sang kapulisan nga High Value Individual si Alarde.

Gin-conduct ang operasyon sang Regional Police Drug Enforcement Unit 6 sa pagpamuno ni PLTCOL Antonio Benitez Jr.

Preso na ang apat sa La Paz Police Station.

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %
Previous post UPDATE | Lalaki nga nahulog sa gina-construct nga flyover sa Mandurriao, nakilala na
Next post Iloilo Gov. Defensor nalipay nga nangin laye na ang franchise extension sang MORE Power