August 15, 2022

22 ka pulis, gin-deploy sa Bakhaw, Mandurriao bangud sa report nga nagadamo naman ang naga-engage sa illegal drugs sa lugar

Read Time:49 Second

ILOILO CITY — Gin-deploy ang 22 ka mga police officers sa Barangay Bakhaw, Mandurriao umpisa kagab-i, Agosto 5.

Ang mga police nga gin-augment sa Mandurriao Police Station ang naghalin sa Iloilo City Police Office.

Kasunod ini sa request ni Punong Barangay Joel Alvarado sang Bakhaw bangud sa mga impormasyon nga nagadamo naman ang naga-involve sa illegal nga druga sa barangay.

Samtang, suno kay Police Major Rey Sumagaysay, hepe sang Mandurriao Police Station, ang 22 ka mga police nga halin sa ICPO paga-updan sang mga organic nga police officers nila bangud sila ang nakasaulo sang lugar.

Dugang ni Sumagaysay nga maga-roving sa sulod sang Bakhaw ang mga police kada gab-i.

Iga-verify sang police ang mga impormasyon natuhoy sa illegal nga druga kag madasig nga maka-responde sa mga ginamo sa lugar.

Madumduman nga isa ang Bakhaw sa mga barangay nga may problema sa madata nga baligyaanay sang illegal nga druga sadto. — via Aksyon Angel Mae Ciudad

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Previous post Vintage bomb, nakit-an sa Zarraga
Next post First Lady Liza Marcos, nag-apply sa WVSU nga mangin professor sa College of Law