Paghatag sang oportunidad kay First Lady Liza Araneta-Marcos nga magtudlo sa WVSU College of Law, ginapatukan sang University Student Council
ILOILO CITY — Ginapamatukan sang University Student Council sang West Visayas State University (WVSU) ang paghatag sang oportunidad kay First Lady Liza Araneta Marcos nga makatudlo sa College of Law.
Sa Facebook post sang Student Council, ginpahayag sang Council nga ang mga public universities kapareho sang WVSU ang manggaranon sa kasaysayan sang pagpakigbato batok sa tyranny kag diktadorya.
Bilang mga Iskolar ng Bayan, dapat suno sa ila nga protektahan kag indi pagpasugtan ang paghatag sang plataporma sa mga Marcos agud mapasangkad ang ila disinformation campaign.
Dugang pa sang Council nga indi mangin maayo nga ehemplo sa mga estudyante ang isa ka Marcos nga numero uno nga violator sang laye kag may salabton sa pungsod.
Nagapanawagan ang WVSU University Student Council kaupod ang mga estudyante sang College of Law kag lain-lain nga organisasyon sa sulod kag guwa sang unibersidad nga manindugan batok sa pagkuha kay Araneta-Marcos nga magtudlo sa unibersidad bilang part-time member sang College of Law.