Boulevard, Molo, mahingyo nga butangan sang police visibility ang barangay
ILOILO CITY — Plano nga magpasar sang resolution ang barangay council sang Boulevard, Molo nga nagahingyo sang police visibility ang barangay.
Suno kay Boulevard, Molo Punong Barangay Virgilio Villanueva, may mga impormasyon siya nga nabaton nga may mga nagasulod sa ila barangay nga indi kilala sang mga residente.
Base sa pagpangusisa ni Villanueva, kaagahon kun nagasulod sa ila barangay kag gilayon man nagaguwa makaligad ang pila ka minutos.
Ginkumpirmar sang kapitan nga 20 sa ila mga residente ang nalakip sa listahan sang Barangay Anti-Drug Abuse Council (BADAC).
May mga nagapaidalom sa rehabilitasyon sa 20 ka residente.
Ginpanindugan ni Villanueva nga nagapanginlaman lang sila agud indi na magbalik kag magduging ang illegal nga druga sa barangay. — via Aksyon Angel Mae Ciudad