First Lady Liza Marcos, qualified nga magtudlo sa isa sa mga law schools sa Iloilo City — Mayor Jerry Treñas

ILOILO CITY — Wala sang problema para kay Mayor Jerry Treñas nga magtudlo sa isa sa mga law schools sa Iloilo City si First Lady Atty Liza Araneta-Marcos.

Suno sa alkalde, kilala niya personal ang First Lady kag qualified siya nga magtudlo. Sang eleksyon, nakatawag sa iya ang First Lady kag nagpahayag sang tinutuyo nga magtudlo sa syudad.

Mangin bentaha ini para sa syudad bangud posible nga makit-an sang First Lady kun ano ang kinahanglan sang unibersidad ukon sang syudad kag mahutikan si Presidente Bongbong Marcos.

Ginpahayag ni Mayor Treñas nga tapos na ang pulitika kag sa masunod nga anum ka tuig, yara sa poder si President Marcos.

Mayor Jerry Treñas:

“I do not see any problem with her teaching in one of the law schools here kay ti para sa akon qualified man siya. She has been teaching that subject for so long. Para sa akon kun mag tudlo siya di, advantage man para sa aton kay basi may makit-an siya nga kinahanglan sang university or basi kinahanglan sang syudad mahutikan niya iya bana. After all, tapos na ang pulitika. For the next 6 years, President Marcos will be in power. We will have to coordinate with him and his administration on whatever needs for the country.” — via Aksyon Jeremae Ventar