National Youth Commission Chair, gintawag nga ‘leftist’ ang tudent regent sang WVSU

Gintawag ni Ronald Gian Carlo Cardema, Chairman sang National Youth Commission (NYC) nga “leftist” ang student regent sang West Visayas State University matapos nagpamalabag sa pagtudlo ni First Lady Louise “Liza” Araneta-Marcos sang Criminal Law 1 sa College of Law.

Sa Facebook post ni Cardema, iya ginpahayag nga kun wala ginakilala sang student regent ang pagka-presidente ni Pres. Ferdinand Marcos, Jr. nga ginboto sang 60% sang mga Filipinos, indi man magkilala ang NYC sa iya bilang tiglawas sang mga estudyante sang WVSU.

Gintawag man niya nga bias ang statement sang student regent bangud nahibalun nga madugay na nga nagapamatok sa mga Marcoses.

Ginapanindugan man ni Cardema nga may katungdanan sang First Lady nga magtudlo sa WVSU bangud tumandok sang Iloilo City ang iya amay nga si Manuel Ledesma Araneta.

Gin-delete na ni Cardema ang iya post matapos nga maglapta sa social media.