Pagbaton kay First Lady Liza Marcos sa College of Law, nagsunod sa selection guidelines sang WVSU
Nagsunod sa selection guidelines sang West Visayas State University ang ginsumiter nga requirements ni first lady Louise “Liza” Araneta-Marcos agud magtudlo sa College of Law.
Ini ang ginpahayag ni WVSU President Joselito Villaruz kasunod sang kumpirmasyon nga mangin kabahin sang faculty staff sang unibersidad ang first lady.
Ginpaathag ni Villaruz nga may sistema ang unibersidad sa pag-hire sang faculty members kag nagabase ini sa merit, credentials, teaching experience kag professional experience.
Sa WVSU Integrated University Information System, nalista ang ngalan ni Araneta-Marcos nga matudlo sang Criminal Law 1.
Nakatapos sang law degree ang first lady sa Ateneo de Manila University kag nakatudlo sang law sa Pamantasan ng Lungsod ng Maynila, Far Eastern University, Northwestern University, Mariano Marcos State University kag St. Louis University.
Sa iya nga interview sang Marso sa tiun sang campaign period para sa general elections, gin-mention ni Araneta-Marcos nga luyag niya nga magtudlo kag makalikaw sa limelight. — with reports from the Inquirer