Phil. Coast Guard, MARINA, imbestigaran ang pagsadsad sang barko sang Cokaliong Shipping Lines sa Igbon, Concepcion
ILOILO — Padayon nga gina-imbestigaran sang Philippine Coast Guard kag Maritime Industry Authority (MARINA) ang pagsadsad sang MV Filipinas Cebu nga ginapanag-iyahan sang Cokaliong Shipping Lines sa kadagatan nga sakop sang Igbon Island, Concepcion.
Suno kay Commander Paterno Belarmino sang PCG-WV, base sa ila initial nga imbestigasyon, posible natulogan ang timonel rason nga nagtalang ang direksyon sang barko.
Gin-hold sang PCG ang 37 ka crew sang barko samtang nagapadayon ang imbestigasyon.
Ginpasakay naman sa MV Nasipit ang 214 ka mga pasahero agud magpadayon sang ila byahe padulong sa Cebu.
Samtang ang siyam naman nagsakay sa VRP Panglaw sang Philippine Coast Guard kag nagdesisyon nga magbalik sa Iloilo City.