Kampanya vs illegal nga druga, isa sa mga tutukan sang bag-o nga PRO 6 director
ILOILO CITY — Isa sa mga tutukan sang bag-o nga director sang Police Regional Office (PRO 6) ang kampanya kontra illegal nga druga.
Ini ang ginpasiguro ni PRO 6 Director Police Brigadier General Leo Francisco kadungan sang turn-over ceremony kahapon, Agosto 15.
“Ang focus naman natin ‘yung lahat ng aming campaigns – sa wanted persons, illegal drugs, sa loose firearms and of course with the collaboration of the Armed Forces [of the Philippines] ‘yung communist terrorist groups,” suno kay Francisco.
Padayunon man ni Francisco ang mga programa nga ginsuguran ni former Director Flynn Dongbo. I-review man niya ang iban nga programa agud ma-update kag mapasangkad pa.
Magluwas diri, ilabe pa nga pabaskugon ni Francisco ang internal cleansing sa hanay sang kapulisan.
“Istrikto talaga ako dahil kailangang magtrabaho talaga sila dahil binabayaran kami ng gobyerno nang mataas na sweldo para magtrabaho. Bawal talaga magbulakbol,” mensahe ni Francisco sa kapulisan sa Rehiyon.
