September 27, 2022

Babaye ginasunod nga motibo sa pagbuno sa mag-utod sa Alimodian

Read Time:1 Minute, 12 Second

ILOILO – Nanindugan ang 18-anyos nga suspect sa pagpangbuno sa mag-utod sa Barangay Buhay, Alimodian nga nobya niya ang babaye nga nobya man sang pakaduha sang mga biktima.

Suno kay Clint Mike Ambong sang Panda, Leon, duha ka bulan na sila nga nobyahanay ni Vilma.

Antes ang insidente, nag-chat suno kay Ambong si Vilma nga sugaton siya gani iya ginkadtuan. Pag-abot sa Brgy. Buhay, nagkitaay na sa karsada ang duha pero nagbalik suno kay Ambong si Vilma sa ginhalinan niya nga balay agud ibalik ang iya ginhulam nga cellphone.

Pero pagbalik sang lalaki, nagasunod na ang mag-utod nga Khen Alim, 18-anyos, kag Dave, 16-anyos upod sa ila pakaduha nga si Reggie.

Nagluntad ang tapungulay antes nabun-an ang mag-utod, pero nanginwala si Ambong nga siya ang nagbuno bangud wala siya dala nga kutsilyo.

Ginpabutyag naman ni Reggie nga sila na ni Vilma ang naganobyahanay, samtang ex-boyfriend na lang sang babaye si Ambong.

Nahibaluan ni Reggie nga may ka-chat si Vilma bangud cellphone niya ang gingamit sang babaye.

IMBESTIGASYON SANG ALIMODIAN POLICE

Sa imbestigasyon ni PMSg Mike Alingalan sang Alimodian MPS, si Ambong ang nagbuno sa mag-utod.

Pasakaan si Ambong sang kaso nga frustrated homicide in relation to RA 7610 bangud menor-de-edad ang isa sa mga napilasan.

Samtang, hulaton pa ang medical exam result ni Alim antes magpasaka sang kaso nga frustrated homicide. –via Angel Mae Ciudad

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %
Previous post MGA ESKWELAHAN, TERMINALS SA PROBINSIYA SANG ILOILO BANTAYAN SANG MGA POLICE SA PAGBUKAS SANG KLASE
Next post Mga luyag maka-avail sang educational assistance sang DSWD nagdugok sa Iloilo Sports Complex