LOOK | Payout venues sang DSWD Educational cash aid sa Iloilo City kag Iloilo province sa Agosto 27
ILOILO — Gin-release na sang Department of Social Welfare Western Visayas ang payout venues para sa tagtaganay sang educational cash aid sa mga indigent learners sa siyudad kag probinsya sang Iloilo para sa Sabado, Agosto 27.
Suno kay DSWD 6 Information Officer Atty. May Rago-Castillo, ang mga payout sites amo ang:
Iloilo City-ILOILO FREEDOM GRANDSTAND
1st District-GUIMBAL MUNICIPAL GYM
2nd District-SANTA BARBARA MUNICIPAL GYM
3rd District-POTOTAN & JANIUAY MUNICIPAL GYMS
4th District-ANILAO MUNICIPAL GYM
5th District-BAROTAC VIEJO EVACUATION CENTER
Iprayoridad suno sa iya sa assessment kag payout ang mga ginpapauli sang Agosto 20 bangud sa kadamuon sang tawo kag wala na ma-akomodar.
May nakuha na nga mga ngalan kag contact number ang mga DSWD personnel nga amo ang padal-an sang text messages, email ukon notifications nga nalakip sila sa payout sa Sabado.
Wala naman sang i-akomodar nga walk-ins ang DSWD. Indi magkadto sa venue kun wala sang nabaton nga mensahe ukon notifications.
Mahimo naman nga maka-register online ang iban pa nga qualified beneficiaries suno kay Castillo.
