1,639 ka beneficiaries, nakabaton sang educational assistance sa siyudad kag probinsya sang Iloilo — DSWD 6

Nahatagan sang educational assistance ang 1,639 ka mga estudyante sa siyudad kag probinsya sang Iloilo as of 6pm kahapon, Agosto 27.

Base ini sa data sang Department of Social Welfare and Development (DSWD) 6.

Suno sa DSWD 6, P4.7 million ang ila napagguwa nga educational assistance kahapon.

Ginpahayag ni Atty. May Rago Castillo, spokesperson sang DWSD 6, nga matawhay ang releasing kun ikumparar sa una nga distribution sang Agosto 20.

May kabug-usan nga 5,260 ang nakabaton sang assistance sa Western Visayas kag P15.5 million ang napaguwa nga pondo.

Nagpasalamat ang DSWD sa mga LGUs, PNP kag AFP nga nagbulig sa ila.