P22.8 million nga pondo, na-release sa ikaduha nga tagtaganay sang Educational assistance sa Western Visayas

Region 6 — P22,786,000 ang napanagtag nga cash sa mga beneficiaries sa ika-duha nga Sabado sang distribution sang educational assistance sang DSWD sa Western Visayas.

Sa record sang DSWD 6, nagapakita nga 7,852 ka mga estudyante halin elementary, high school, senior high school, kag college ang nahatagan sang cash aid.

Pinakamadamo ang halin sa Iloilo nga may 2,581. Ginsundan sang Negros Occidental nga may 1,687; Antique nga may 1,063; Aklan nga may 958; Guimaras nga may 867; kag Capiz nga may 696.

Hiwaton ang masunod nga distribution sang educational assistance sa Setyembre 3.