81-anyos nga babaye, nasapwan nga patay sa sulod sang iya balay sa Jaro
Iloilo City — Patay na sang nasapwan sa kwarto sang iya balay si Carmencita Moscoso, 81-anyos sa Alta Tierra Village, Jaro.
Sa pgapangusisa ni Police Staff Sergeant Saturnino Dela Cruz sang Jaro Police Station, wala sang forcible entry sa balay kag wala man sang may nadula nga kagamitan.
Isahanon nga naga-estar sa balay si Moscoso kag ginabisitahan lang sang iya mga himata halin sa Antique.
Suno sa hinablos nga si alyas Jen, may timbang sadtu ang iya tiya apang wala ini nagatenir sang malawig.
Ginpahayag ni Jen nga nagkadto siya sa iya tiya sang nabalitaan nga wala na nakaguwa sa iya balay halin sang nagligad nga semana.
May hypertension si Moscoso suno kay Jen.
Indi pa ma-establisar sang Jaro police kun pila na ka adlaw nga napatay si Moscoso.
Plano ni Jen nga konsultahon ang iya pamilya para sa pagpa-autopsy sang iya tiya agud mahibaluan ang rason sang iya kamatayon.
