First town jeepneys, mangin limitado ang ruta sa pagsulod sa Iloilo City base amended LPTRP

Mangin limitado na lang ang ruta sang mga first town jeepneys sa pagsulod sa Iloilo City.

Base sa amended LPTRP sang Iloilo City ang mga Public Utility Jeepneys (PUJs) nga naghalin sa Leganes tubtob na lang sa Jaro Plaza.

Samtang ang mga jeep nga halin sa Oton mangin tubtob na lang sa Regional Office sang Bureau of Internal Revenue (BIR) ukon sa atubang sang Iloilo City High School kag ang San Miguel kag Pavia naman mapana-og sang ila pasahero sa Festive Mall Transport Hub.

Nagpasalig naman ang LPTRP Technical Working Group nga magahatag sila sang malawig nga tyempo sa pagpalapta sang impormasyon antes ipatuman liwat ang LPTRP sang syudad.

Ipasa sang Iloilo City Government ang amended LPTRP sa Department of Transportation sa sini nga semana.