Iloilo City Mayor Jerry Treñas naga-apelar sang kooperasyon agud indi madugangan ang kaso sang gastroenteritis, cholera sa siyudad

ILOILO CITY – Kinahanglan ang kooperasyon sang pumuluyo agud indi na madugangan ang kaso sang gastroenteritis kag cholera sa siyudad sang Iloilo.

Mensahe ini ni Mayor Jerry Treñas sa gin-report nga mga kaso sang nasambit nga mga balatian sa siyudad.

Suno sa alkalde, “responsibilidad sang kada isa nga amligan kag proteksyonan ang inyo panimalay labi na gid ang mga kabataan.”

Sa data sang City Epidemiology and Surveillance Unit as of August 31, 2022, nagsaka sa 228 halin sa 90 ang kaso sang acute gastroenterities nga may pito ka napatay.

Natalana buwas, Setyembre 2, ang special session sang City Council agud talakayon ang rekomendasyon sang City Disaster Risk Reduction and Management Council nga ipaidalum ang siyudad sa state of calamity bangud sa na-record nga waterborne diseases. – via Mayor JPT