‘Wala walk-in’ –DSWD 6 sa pay out sang education cash assistance

ILOILO CITY — Ginsulit ni Atty. May Rago-Castillo, information officer sang DSWD 6, nga indi sila mag-entertain sang walk-in clients sa venue sang tagtaganay sang educational assistance buwas, Setyembre 3.

Nagpahanumdom si Castillo sa publiko nga magkadto sa venue ang wala makabaton sang mensahe halin sa DSWD, sa text man ukon email.

Ginpanugyanan ni Castillo ang mga kwalipikado nga estudyante nga luyag maka-avail sang educational assistance nga magbisita sa Facebook page sang DSWD Western Visayas para ma-scan ang QR code sa pagpa-rehistro.

Ginpangabay ni Castillo ang mga 4P’s beneficiaries nga indi magparehistro bangud indi sila kwalipikado, subong man ang may scholarship, nagabaton sang incentives magluwas sang ila free tuition kag ang nakabaton sang nagliligad nga indi na magparehistro para malikawan para malikawan ang double claims kag duplication partikular sa mga 4Ps beneficiaries.

Sa Iloilo City, himuon ang payout venue sa Zamora-Melliza Gym malapit sa GSIS pakadto sa TESDA regional office 6.

Sa first district, ipanagtag sa Guimbal Covered Gym; Santa Barbara Municipal Gym kag New Evacuation center San Miguel payout centers para sa second district; Janiuay Municipal Gym, Tirador Complex, New Market sa Pototan kag Barangay Tranghawan Gym Lambunao payout centers sa 3rd district; Anilao Municipal Gym, kag Man-it Gym Passi City payout centers sa 4th district kag Evacuation Center-Poblacion, Barotac Viejo, Sara Municipal Gym kag Balantian Covered Gym-Balasan payout centers sa 5th district.