47-anyos nga lalaki, patay sang ginbuno sang tricycle driver sa Dingle

ILOILO — Dead-on-arrival sa ospital ang 47-anyos nga lalaki sang ginbuno sang tricycle driver sa Calicuang, Dingle kahapon sang aga, Setyembre 2.

Ginkilala ang biktima kay Ben Gumban sang Brgy Ginalinan Nuevo, Dingle. Suspek amo si Freddie Leo Durana 51-anyos sang Brgy Siniba-an, Dingle.

Suno kay PLT Aileen Lacrite Hepe sang Dingle Municipal police station, nagsugat-anay ang suspek sakay sa iya tricycle kag motorsiklo nga ginamaneho sang biktima.

Nagbalabag ang tricycle suno sa pulis rason nga gintumba sang biktima ang iya motorsiklo kag nagdalagan.

Kasunod sini, ginlagas sang suspek ang biktima kag ginbuno.

Gindala pa sa ospital si Gumban pero napatay bangud sang pilas sa dughan. Gin-detain naman si Durana kag pasakaan sang kaso nga murder.

Ginpahayag ni Lacrite nga may daan nga hilugut-anon ang biktima kag ang suspek may kaangtanan sa pasahero kag ruta.