Mangunguma, patay sang ginlabu sa Tubungan

ILOILO — Patay ang mangunguma bangud sang mga pilas sang pagkalabu sa Sitio Tiring, Barangay Igpaho, Tubungan.

Ginkilala ang biktima kay Ronald Paneza, 48-anyos, nga may pilas sa ulo kag iban pa nga parte sang iya lawas. Dead-on-the-spot ang biktima.

Gin-identify naman ang suspek kay Joemar Ellama, 25 anyos, nga napasakaan na sang kaso nga murder.

Sa imbestigasyon ni Police Lieutenant Alwin Salmon, Deputy Chief sang Tubungan Police Station, naga-inom ang suspect upod sa pila ka miembro sang iya pamilya sang nagsulod ang biktima kag iya abyan kag nag-upod inom sa suspect apang nagluntad sang ulihi ang pagbais-bais sa biktima kag suspect.

Ginlabu sang suspek ang biktima suno sa pulis. Nagsungka ang suspek kasunod sang natabu.