Balay, nasunog sa Barotac Viejo
ILOILO — Naupos ang balay nga ginapanag-iyahan ni Jake Azucena sa Sitio Bacalayan, Brgy. Santiago, Barotac Viejo matapos nasunog pasado kahapon sang hapon, Setyembre 4.
Suno kay Punong Barangay Romeo Agsaluna, wala gilayon naka-abot ang taga-Bureau of Fire Protection bangud malayo sa Poblacion ang nahamtangan sang balay.
Human sa light materials ang balay kabangdanan nga madasig nasunog. Indi pa ma-establisar suno sa kapitan kun paano nag-umpisa ang kalayo.
Wala na naglapta pa sa iban nga balay ang sunog. Wala man sang may nasamaran sa isidente.