10 ka suspected cases sang gastroenteritis, na-record sa Iloilo province–PHO

Naka-record ang Provincial Health Office (PHO) sang 10 ka mga suspected gastroenteritis patients sa Iloilo province.

Base sa data sang PHO, tag-isa ang nalista sa Dingle kag Pototan; tatlo sa Leganes; kag lima sa Oton.

Suno kay PHO Head Dr. Ma. Socorro Quiñon, nag-conduct na sila sang imbestigasyon sa mga nasambit nga kaso apang wala pa gid nila matul-id ang gintunaan sang ila paglupot kag pagsuka.

Hugot naman nga gina-monitor sang PHO ang probinsiya ilabe na gid sa mga may sintomas sang gastroenteritis.

Nagpanugyan naman si Quiñon sa publiko nga hugasan sang maayo ang mga ginaluto nga pagkaon kag mag-inom sang matinlo nga tubig.