Kaso ang cholera sa Iloilo City, nadugangan
Nadugangan sang apat (4) ka mga kaso ang nagpositibo sa cholera sa Iloilo City suno sa City Epidemiology Surveillance Unit as of September 6.
Sa data sang CESU, duha (2) ang na-record sa Tanza-Esperanza, City Proper; tag-isa sa North Baluarte, Molo kag Bolilao, Mandurriao.
Sa kabug-usan may 12 na ka mga kaso sang nasambit nga balatian sa syudad.