Jeep nga nagabiyahe New Lucena, nadisgrasya sa Pavia

ILOILO — Pilason ang babaye nga nagatindog sa dalan sang nasaga-iran sang depasahero nga jeep nga nagabiyahe New Lucena-Iloilo City sa barangay Aganan, Pavia las 7 subong nga aga.

Suno sa jeepney driver nga si Rogelio Sumagaysay, pakadto siya sa Ungka terminal sang naglamsot ang preno sang salakyan.

Nagdesisyon ang driver nga ibunggo sa poste ang jeep agud magpondo.

Apang nasaga-iran niya ang babaye nga nagatindog sa kilid sang dalan.

Maayo naman ang kahimtangan sang 24 ka mga pasahero sang jeep pati na ang driver.

Gin-identify sang Pavia police ang biktima kay Marie Aquino, 47 anyos sang Purok 4, Pavia.

Gindala sa ospital ang biktima kag yara na sa maayo nga kondisyon.