2 patay sa aksidente sang motorsiklo sa Janiuay, Iloilo
ILOILO – Patay ang driver kag angkas sang motorsiklo sang nakabunggo sa sugata nga delivery truck sa Brgy. Sarawag, Janiuay, las-2:30 kahapon sang kaagahon, Setyembre 9.
Ginkilala ang napatay kanday Arnold Libuna nga driver sang motorsiklo kag Herme Lego nga back rider, lunsay residente sang Brgy. Jayubo, Lambunao.
Gin-custody sang Janiuay police ang driver sang delivery truck kay Niño Nolan, pero gin-release man matapos na-areglo ang pamilya sang mga biktima.
Nagaguwa sa imbestigasyon ni PMSg Edie Roncal, imbestigador sang Janiuay MPS, ginlaksam sang motorsiklo sang mga biktima ang lane sang truck rason sang pagbungguanay.
Wala naman napilasan ang driver sang delivery truck, pero nagupi ang uluhan sang truck bangud sa mabaskog nga impact.
Sa dugang nga imbestigasyon sang Janiuay police, naka-inom sanday Libuna kag Lego kag wala sang suksok nga helmet.
Gindala pa sa ospital ang duha pero gindeklarar nga dead-on-arrival. –via Justice Savvanah Pamplona