3 ka beams sang Ungka Flyover, apektado sang vertical displacement
ILOILO — Ginkumpirmar sang Department of Public Works and Highways (DPWH) 6 nga tatlo sa 16 ka mga beams sang Ungka flyover ang apektado sang vertical displacement.
Suno kay DPWH 6 Assistant Regional Director, wala nakitaan sang physical nga deperensya ang flyover apang nakibot sila sang resulta sang vertical displacement instrument nga may yara sang pag-usmod sa tatlo ka-beams sang flyover.
Base sa obserbasyon sang DPWH 6 sa sulod sang lima ka adlaw nagakatabu ang paglapad sang vertical displacement sa kada hapon kag pagkasunod nga adlaw.
Ginsiraduhan man nila ang ang amo nga flyover agud nga ma-obserbahan kun ano ang mangin hulag sang infrastructure kun wala na sang may nagalabay.