October 7, 2022

4 nadakpan sa akto nga naga-pot session sa balay nga gin-raid sa Jaro

Read Time:1 Minute, 3 Second

ILOILO CITY — Apat ang nadakpan sang Jaro police nga naga-“pot session” sang illegal nga druga sa balay nga gin-raid Brgy. Desamparados, Jaro kahapon, Setyembre 22.

Ginkilala ang mga nadakpan kanday Jovanni Guson, 31, sang Lopez Jaena Norte, La Paz; Joery Miranda, 47; Mike Obregon, 31 nga lunsay taga-Desamparados, Jaro; kag Romel Gopeteo, 43, sang Bakhaw, Mandurriao.

Suno kay Police Lieutenant Lester Oliveros, Deputy chief sang Jaro Police Station, maserbe sila kun tani sang warrant of arrest sa subject nga si RC Ajeto sa kaso nga violation sa RA 9165 ukon Comprehensive dangerous drugs act.

Ginpahayag ni Oliveros nga nadakpan sa akto nga naga-“pot session” si Ajeto lakip na ang iban pa ka mga indibidwal. Ginkakibot nila ang operasyon sang pulis rason nga nagpalagyo ang iban.

Nakapalagyo si Ajeto kag iban pa niya ka mga upod, samtang nadakpan ang apat ka mga lalaki.

Na-recover ang tatlo ka sachet sang suspected shabu kag aluminum foil.

Ginpanginwala sang apat ka mga nadakpan nga yara sila sa sulod sang balay sang natabo ang operasyon.

Suno kay Punong Barangay Nestor Lobaton, sila ang nagpahibalo sa pulis may kaangtanan sa ginahimo nga illegal activity sa lugar.

Nagapati si Lobaton nga may yara pa sang nabilin nga nagabaligya sang illegal drugs sa lugar.

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Previous post PALIBOSFER SITG, ginahulat pa ang pirmado nga affidavits sang lone survivor kag pamilya sang mga ginpatay swa Villa Pani-an, Estancia agud mahikot na ang kaso
Next post Bangkay nasapwan sa Estancia