Bangkay nasapwan sa Estancia
ILOILO – Nagakaya kag patay na sang nasapwan si Billy Boy Burias, 24-anyos, sang Brgy. Bayuyan, Estancia subong nga aga, Setyembre 24.
Shooting incident ang natabu suno kay PCpl Nixon Villanueva sang Estancia MPS bangud “may na-recover nga duha ka baseyo sang 45 caliber.”
May duha ka pilas sa likod, kag may lacerated wound sa hitsura ang biktima, suno sa pulis.
Natongtong naman sa kamot ni Burias ang buka nga botelya, kag may isa pa ka botelya malapit sa iya lawas.
Suno kay Jean, live-in partner ni Burias, wala man nakamuno ang biktima nga may kaaway siya. Natabuan nga nagkadto si Jean, upod sa duha ka bata nila ni Burias, sa iya iloy kag naghulat pa siya nga sugaton sang biktima kagab-i.
Gina-imbestigaran suno kay Corporal Villanueva ang impormasyon halin sa pamilya sa ila ginadudahan nga nagpatay sa biktima. –via Jerry Medina