6 ka tuig nga bata, patay sang nalumos sa fishpond sa City Proper

ILOILO CITY — Dead-on-arrival sa ospital ang anum ka tuig nga bata nga lalaki nga nalumos sa fishpond sa Tanza Bonifacio, City Proper, las 7 kahapon sang aga, Setyembre 25.

Ginkumpirmar ini sang lola nga si Teresa Jamolo.

Sa initial nga impormasyon sang Aksyon Radyo Iloilo news team, nasiplatan sang residente nga si Rosito Peregil samtang nagapamubod siya sang isda nga may nagakapa-kapa nga kamot sang bata sa higad sang fishpond kag may nabilin nga tsinelas kag kwarta sa barrier sang fishpond rason nga nagpangayo siya sang bulig.

Nagbulig man ang pila ka mga residente sa pagpangita sa bata.

Pasado las 10 sang aga sang nakita sang taga-Philippine Coast Guard ang lawas sang bata nga ginkilala kay Marty Jamolo kag madasig nga gindala sa ospital apang wala na natabangan.

Ginahibalo pa kun paano nahulog sa fishpond ang bata.