Buhang-Egaña bridge sa Sibalom, Antique, temporaryo nga indi maagyan bangud nga nag-usmod

ANTIQUE — Temporaryo nga indi maagyan ang Buhang-Egaña bridge sa Barangay Egaña, Sibalom bangud nga nag-usmod kahapon sang aga, Setyembre 26.

Base sa pagpangusisa ni Antique Provincial Disaster and Risk Reduction Management Officer Broderick Train, indi tubig baha ang rason sang pag-usmod sang taytay bangud indi man madalom ang tubig sa suba.

Posible suno sa iya nga nag-usmod ang taytay bangud wala sini nasarangan ang paglabay sang truck nga may karga nga balas. Nakalampuwas lang suno sa iya ang truck sa taytay sang nag-usmod.

Apang nagapadayon ang imbestigasyon kag assessment sang Department of Public Works and Highways (DPWH 6) sa taytay.        

Ginpaathag ni Train nga human sa kahoy sadtu ang taytay apang gin-reconstruct kag ginhimo nga steel bridge kag gin-overlay sang aspalto.