P20,000 nga balor sang suspected shabu na-recover sa drug buy bust operation sa La Paz
ILOILO CITY — Na-recover sang La Paz Police Station Drug Enforcement Team ang P20, 000 nga balor sang illegal drugs sa buy bust operation sa Zone 2, Brgy Rizal, Lapaz las-2 kahapon sang hapon, Setyembre 26.
Ginkilala ang subject kay Anthony Diones, 44, residente sang amo man nga barangay.
Suno kay Police Major Jose Val Ladublan, hepe sang La Paz Police station, isa ka semana nila nga gin-monitor ang subject antes gin-operate.
Nabaklan ang subject sang isa ka sachet sang suspected shabu sa balor nga P5,100 kag nakuha pa gid ang apat ka dugang nga sachets.
Ginpahayag ni Ladublan nga nadakpan man sang 2002 ang subject sa drug buy bust operation kag napreso man sang 2012 bangud sa Possession of Dangerous Drugs.
Ginatinguhaan sang Aksyon Radyo Iloilo news team nga makuhaan sang pahayag ang subject nga detained subong sa La Paz Police Station.