Hinablos patay sang ginbuno sang live-in partner sang iya tiya sa Batad

ILOILO — Patay ang 35-anyos nga lalaki sang ginbuno sang live-in partner sang iya tiya sa Brgy. Bulak sang Setyembre 25.

Ginkilala ang napatay kay Bernardo de Juan, Jr. nga may pilas sa tiyan, dughan, likod, tangkugo, kag ulo.

Indi pag-intindihanay ang ginalantaw nga anggulo sang police suno kay Lt. Jaypee Silvestre nga hepe sang Batad Police Station.

Ginpahayag ni Silvestre nga antes natabo ang krimen, ginpailisan kag ginpakaon sang biktima ang special child niya nga pakaisa nga bata sang iya tiya.

Naakig naman ang tiya nga ginkilala kay Alma Villanueva sang nahibalaun ang ginhimo sang iya hinablos sa pagdumdom nga gina-intrahan niya ang pag-atipan sa iya kabataan.

Ginkumprontar ni Villanueva ang iya hinablos sang nagkitaay sila sa karsada tubtob nga nagsabtanay sila. Gintiro niya ang iya hinablos apang wala ini maigo.

Sunod nga ginbuno sang live-in partner ni Villanueva nga ginkilala kay Reynaldo Mandereja ang biktima tubtob nga natumba

Gilayon nga nalagyo ang duha kag ginbilin ang tatlo nila ka kabatan lakip na ang special child. Plano sang police nga i-refer sa DSWD ang mga kabataan agud ma-atipan.

Ginapreparar naman sang police ang kaso batok sa mag-live in.