2 patay sang nabungguan sang wing van ang 2 ka motorsiklo sa Barotac Viejo

ILOILO — Duha ang napatay sang nabungguan sang wing van ang duha ka motorsiklo sa Brgy San Juan, Barotac Viejo pasado las-6 sang gab-i, Setyembre 28

Ginkilala ang mga napatay nga drivers sang duha ka motorsiklo kanday Dennie Morera kag Rafael Balquin, lunsay 18-anyos kag residente sang Brgy San Fernando, Barotac Viejo.

Suno kay Police Staff Sergeant Jet Lidanyao sang Barotac Viejo Municipal Police Station, naglamsot ang preno sang wing van rason nga nadulaan sang control sa manibela kag nabungguan ang kasugata nga duha ka motorsiklo.

Gindala naman sa ospital ang driver sang wing van nga naipit ang tiil sa dashboard sang salakyan.