1 patay 1 pilason sang nakabunggo ang motorsiklo sa railings sa Miagao
ILOILO — Patay ang driver sang motorsiklo samtang pilason ang iya angkas sang nakabunggo ang ila ginasakyan sa steel railings sang taytay sa Brgy. Naulid, Miagao.
Ginkilala ang driver nga napatay kay Michael Negolo, 31-anyos, samtang out-patient naman ang angkas niya nga si Lory Regala, 45, lunsay residente sang Brgy. Maninila, Miagao.
Suno kay Police Staff Sergeant Danilo Nacional, imbestigador sang Miagao Municipal Police Station, pareho nga naka-inom ang duha nga halin sa Brgy. Dingle, Miagao kag mabakal lang kuntani sang dugang nga ilimnon.
Ginpahayag sang pulis nga madasig ang dalagan sang motorsiklo kag nadulaan sang kontrol sa manibela ang driver pag-abot sa kurbada nga karsada.
Gindala pa sa ospital ang driver pero gindeklarar nga napatay.