Balay ni San Miguel SK Federation Pres. Mikhail Tadifa ginserbihan sang search warrant
ILOILO — Ginserbihan sang search warrant ang balay ni San Miguel Sangguniang Kabataan (SK) Federation president Mikhail Tadifa, 24 anyos, subong nga aga.
Ini base sa kumpirmasyon ni Police Major Sullen Domingo, Chief of Police sang San Miguel Police Station.
Ginpahayag pa ni Domingo nga ginpangunahan sang Criminal Investigation and Detection Group (CIDG) 6 kag San Miguel Police ang operasyon
Na-recover ang.38 caliber revolver, 145 caliber pistol, 12 gauge shot gun, assorted ammunitions kag mga basiyo sang bala, kag drug paraphernalia. May granada man nga narekober sa balay sang subject.
Suno kay Police Major Jess Baylon, Chief sang CIDG Iloilo, ginapatihan nga live grenade ang narekober sa balay ni Tadifa pero ginahulat pa ang Explosive Ordnance Division (EOD) nga mag-dispose sini.
Ginapatihan ni Police Major Jess Baylon nga iya tanan ni Mikhail Tadifa ang mga recoveries.
Suno man kay PMAJ Baylon, madamo sang complaints ang search warrant sa subject.
I-detain sa CIDG Office si Tadifa samtang ginaproseso ang pagpasaka sa iya sang kaso.
Sang Agosto 13 gintiro ni Tadifa ang iya nakabais sa social media nga ginkilala kay Dyezrelle Malaygay.
BACKGROUND: https://bit.ly/3rgvdSL