Ungka flyover may litik sa tinabuan sang girders
ILOILO — May mga nakit-an nga litik sa tinabuan sang mga girders sang Ungka Flyover.
Suno kay Department of Public Works and Highways (DPWH) 6 Assistant Regional Director (ARD) Jose Al Fruto, epekto ang litik sang mga spans and joints sang tagsa ka mga pier ukon pundasyon sang Ungka Flyover.
Dugang pa niya nga padayon ang ila obserbasyon kun anu ang mangin hulag sang nasambit nga flyover bangud sa mga nakit-an nga litik kag ginapreparahan na nila ang mga alternatibo nga paagi agud makay-o ang nasambit nga deperensya.
Indi pa matumod ni Fruto kun anu ang ginhalinan sang “crack” kag anu ang kalabanan nga rason sa pag-tuhaw sang crack.
Ginpasalig naman niya ang publiko nga padayon ang ila imbestigasyon kag pag-locate sa diin nakit-an ang mga litik.
Ginkumpirmar man sang DPWH 6 nga wala pa mahibaluan kun san-o buksan ang ungka flyover. — via Aksyon Cedrick Anona