10 nga taga-Iloilo lakip sa 433 ka nagdaug sa 6/55 Grand Lotto
ILOILO — Napulo ka taga- Iloilo ang lakip sa nagdaug sa 6/55 Grand Lotto nga ginbola sang Oktubre 1 sang gab-i.
Base ini sa listahan nga ginpaguwa sang Philippine Charity Sweepstakes Office (PCSO) bangud sa pagkwestiyun sang kadam-an nga 433 gid ka mga bettors ang nagdaug sa isa lang ka draw.
Sa 433 ka bettors, 151 ang nagdaug sa Metro Manila; 34 sa Cavite; tag-21 sa Bulacan kag Laguna; tag-14 sa Batangas kag Cebu; 13 sa Pampanga; 11 sa Pangasinan; tag-10 sa Benguet kag Iloilo.
Una na ginpahayag ni PCSO General Manager Melquiades Robles nga “It’s a natural occurrence na may nag-aalaga (ng numbers) at maraming nananalo kapag tinamaan ‘yon… We are, in fact, pleased na marami ang nanalo lalo at magpa-Pasko.”
Ang winning number combination amo ang 09-45-36-27-18-54 nga may jackpot prize nga P236.091 million.
