Mga traffic enforcers sa siyudad makapangkumpiskar na sang driver’s license sang mga traffic violators sugod subong nga adlaw

ILOILO CITY — Nagmandu si Mayor Jerry Treñas sa Public Services and Transportation Management Office (PSTMO) nga i-implementar ang City Ordinance 338 ukon nagahatag sang poder nga mag-confiscate sang lisensya sugod subong nga adlaw.

Kasunod ini sang temporaryo nga pag-suspend sang alkalde sa pag-confiscate sang lisensya sang nagpaguwa sang memorandum circular ang Department of the Interior and Local Government (DILG).

Suno sa alkalde, indi sila mangdakop sang motorista nga nagalapas sa Land Transportation Office (LTO) law apang ila tutukan ang local traffic law.

Ginhatagan man niya sang emphasis nga base sa Local government Code mahimo nga maka-implementar sang kaugalingon nga laye ang Local Government Unit (LGU) nga kabahin sang local autonomy.