PRO 6 Director PBGen Leo Francisco, nahinayan sa imbestigasyon sa Estancia killings
ILOILO — Nahinayan si PBGEN. Leo Francisco Regional Director sang Police Regional Office 6 sa imbestigasyon sang pulis sa Estancia killings sa Barangay Villa Panian, Estancia, Iloilo.
Ini ang ginpabutyag ni RD Francisco sang ginpamangkot kun kamusta ang iya assessment kag update sa shooting incident sa Estancia. Suno sa iya nga indi siya “satisfied” sa imbestigasyon.
Sa pagpa-athag ni Francisco nga dapat nakahibalo ang kapulisan sa ka importante sang kada minutos kag inoras sa imbestigasyon.
Bangud sini, personal nga nagpadulong sa Estancia police station si RD Francisco para usisa-on kay PLT. Joebert Amado hepe sang Estancia police station ang update.
“Negative ang dating sa akin,” ini ang ginhambal ni Francisco sa iya pagbisita sa Estancia Police bangud wala sang may napakita nga kopya sang mga update si Amado.
Gin-relieve ni RD Francisco nga hepe sang Estancia Police Station si Amado.
