Graduates sang ISCOF, UP-Visayas pareho nga topnotcher sa Licensure Exam for Fisheries Professionals
ILOILO — Nagpanguna sa October 2022 Licensure Examination for Fisheries Professionals ang graduates sang Iloilo State College of Fisheries kag University of the Philippines Visayas- Iloilo City campus.
Base sa resulta nga ginpaguwa sang Professional Regulation Commission (PRC) pareho nga nakakuha sang 86.25% nga rating kanday Jean Margaret Badong sang ISCOF, kag John Rey Rasgo sang UPV.
Top 3 naman si Angelica Marie Dominguez; Top 5 si Leslie Sampollo; Top 6 kanday Cedric Jay Nantong kag Cherry Dale Templonuevo; Top 7 si Robert Christian Patani; Top 8 si Joseph Keith Nava; Top 9 kanday Reymark Busala kag Marianne Joyce Herrada nga lunsay mga graduates man sang UPV; Top 10 kanday Yessamin Lebaquin sang UPV kag Ferla Pearl Palomar sang ISCOF.
Sa 1,966 ka mga nagkuha sang pasinawan, ginpahayag sang PRC nga 716 ang mga nakapasar.
