10 ka tuig nga bata nga lalaki nga nadula sang naligo sa suba sa Jaro patay na sang nasapwan

ILOILO CITY – Patay na sang nakit-an ang 10 ka tuig nga bata nga lalaki nga una gin-report nalumos sa suba sa Cubay, Jaro sang Lunes sang hapon.

Nakita sang manugpangisda ang lawas sang bata sa Hinactacan, La Paz subong nga aga.

Una na nga ginpahayag sang iloy sang bata nga nagpaligo si John Eric sa suba upod ang iban niya nga abyan antes nadula. Posible nga gintiklod ang bata rason nga nalumos.

Gin-usoy sang BFP Rescue team, PCG kag iban pa nga volunteer group ang suba agud makit-an ang bata sang Lunes pero wala gid nakita.

Ginbuyagyag ni Rosalinda, lola sang bata, nga birthday sang iya apo subong nga adlaw. – via Angel Mae Ciudad