5 ang pilason sang nakabunggo ang tricycle sa delivery truck sa Tigbauan

ILOILO — Lima ang pilason sang nakabunggo ang tricycle sa delivery truck sa Parara Sur, Tigbauan mga la-1 sang hapon.

Suno kay Lt. Maryjane Panes, hepe sang Tigbauan Municipal police station, nagasugat-anay ang direksyon sang delivery truck kag tricycle antes natabo ang aksidente.

Base sa mga nakakita suno kay Panes, nadulaan sang kontrol sa manibela ang driver sang tricycle rason nga nakabunggo sa delivery truck nga may karga nga mga ilimnon.

Napilasan ang lima ka sakay sang tricycle suno kay Panes. Tatlo ang nakaagum sang minor injuries samtang duha ang gin-refer sa ospital sa Iloilo City.

Nag-surrender naman ang driver sang truck sa pulis para i-custody.

Padayon ang imbestigasyon sa aksidente.